goal1

goal2

lif3

goal4

goal5

goal6

goal7

goal8

goal9

goal10

goal11

goal12

goal13

lif14lif

goal15

goal16

goal17

heims

MARKMIÐ 13: GRÍPA TIL BRÁÐRA AÐGERÐA GEGN LOFTSLAGSBREYTINGUM OG ÁHRIFUM ÞEIRRA*

UNDIRMARKMIÐ:

13.1 Eflt verði í öllum löndum viðnámsþol og aðlögunargeta vegna loftslagstengdrar hættu og náttúruhamfara.

13.2 Ráðstafanir vegna loftslagsbreytinga verði felldar inn í landsbundnar áætlanir, stefnumál og skipulag.

13.3 Bætt verði menntun, vitundarvakning og geta manna og stofnana til að draga úr, laga sig að, draga úr áhrifum og vara við loftslagsbreytingum.

13.a Komið verði til framkvæmda þeirri skuldbindingu aðila að rammasamningi Sameinuðu þjóðanna um loftslagsbreytingar í iðnríkjum að vinna að því markmiði að virkja í sameiningu árlega 100 milljarða Bandaríkjadala, eigi síðar en árið 2020, frá öllum uppsprettum til að takast á við þarfir þróunarlanda í tengslum við mikilvægar aðgerðir til að draga úr áhættu og auka gagnsæi við að koma Græna loftslagssjóðnum til framkvæmda og í fullan rekstur með því að fjármagna hann eins fljótt og auðið er.

13.b Stuðlað verði að fyrirkomulagi til að efla getu til skilvirkrar skipulagningar og stjórnunar í tengslum við loftslagsbreytingar í þeim löndum sem eru skemmst á veg komin í þróun og þróunarríkjum sem eru lítil eyríki, meðal annars með því að leggja áherslu á konur, ungt fólk og nærsamfélög og jaðarsamfélög.

* Hafandi hugfast að rammasamningur Sameinuðu þjóðanna um loftslagsbreytingar er helsti alþjóðlegi milliríkjavettvangur til þess að ná fram samningum um hnattræn viðbrögð við loftslagsbreytingum.

 

____________________________________________________________________________________________________________________________________

 

Loftslagssamningur SÞ undirritaður í dag

Paris Agreement Logo Final ICELANDICÞað er stór dagur í dag þegar fulltrúar 165 ríkja undirrita Parísarsáttmálann um viðnám gegn loftslagsbreytingum í höfuðstöðvum Sameinuðu þjóðanna í New York. Undirritunarathöfnin hefst klukkan 12.30 að íslenskum tíma og er hægt að fylgjast með henni í beinni útsendingu á netinu á webtv.un.org.

Nánar...

Á ábyrgð þeirra að skrifa handritið að framtíðinni

logo cop21-3Miklar vonir bundnar við þjóðarleiðtoga á Parísarráðstefnunni:
Á ábyrgð þeirra að skrifa handritið að framtíðinni

Ban Ki-moon, aðalframkvæmdastjóri Sameinuðu þjóðanna hefur skorað á leiðtoga ríkja heims að axla ábyrgð í loftslagsmálum því "pólitískt tækifæri á borð við þetta, kemur ef til vil ekki aftur."

Ban lét þessi orð falla þegar hann ávarpaði 150 oddvita ríkja í opnunarræðu sinni á loftslagsráðstefnu Sameinuðu þjóðanna sem hófst í París. "Þið eruð saman komin til að skrifa handritið að framtíðinni," sagði Ban. "Við höfum aldrei gengist undir aðra eins þolraun, en við höfum heldur aldrei fengið annað eins tækifæri. Það er á ykkar valdi að tryggja farsæld þessarar og næstu kynslóða."

Nánar...

COP21 - Spurningar og svör - NY Times

radstefna paris1New York Times tók saman nokkur stutt svör við flóknum spurningum varðandi COP21 Parísarráðstefnuna og loftslagsmál. Hér er m.a. komið inn á hverjar mögulegar afleiðingar gróðurhúsaáhrifa geta orðið (og verða), hvaða áhrif einstaklingsmiðaðar aðgerðir geta haft og af hverju áhrif hlýnunar jarðar er jafn umdeilt viðfangsefni og raun ber vitni. ‪#‎COP21‬ ‪#‎Heimsmarkmiðin‬ Sjá hér: http://tinyurl.com/j2nmxr8

Parísarsamningurinn: "...stórsigur fyrir fólkið og plánetuna.." (2)

COPfinalParísarasamkomulaginu í loftslagsmálum hefur verið fagnað víða um heim, og aðalframkvæmdastjóri Sameinuðu þjóðanna segir að það sé „stórsigur fyrir fólkið og plánetuna okkar“.

„Það er forsenda framfara í að uppræta fátækt, efla frið og tryggja líf fólks með reisn og tækifæri fyrir alla," segir Ban Ki-moon.

Veraldarleiðtogar hafa margir hverjir tekið í sama streng, en hver eru helstu atriði samningsins?

Nánar...

Markmið númer þrettán

Slide13Markmið 13 af hinum nýju markmiðum um sjálfbæra þróun lýtur að því að grípa til bráðra aðgerða gegn loftslagsbreytingum og áhrifum þeirra. Í markmiðinu felst að efla viðnámsþrótt gegn loftslagsbreytingum er tengjast hættum og náttúruhamförum. Einnig á að auka kennslu og vekja athygli einstaklinga og stofnana á mikilvægi þess að draga úr loftslagsbreytingum. Auk þess má nefna að í markmiðinu felst viðurkenning á því að UNFCCC er aðal vettvangurinn fyrir umræður og samninga um alþjóðleg viðbrögð við loftslagsbreytingum. Ýmis aðildarlönd hafa skuldbundið sig við UNFCCC til þess að greiða götu þróunarlanda við að takast á við loftslagsbreytingar

 Fræðast má frekar um markmiðið hér 

Fréttaskýring 

Heimasíða UNFCCC

Fleiri greinar...

  1. Smærri bændur mikilvægir

Heimsmarkmið SÞ

 

E SDG Icons-18