• Markmið félagsins er meðal annars að almenningur þekki til starfsemi Sameinuðu þjóðanna

Ban Ki-moon: Olía á eld að skera þróunaraðstoð

Ban Ki-moon Tenda di AbramoBan Ki-moon, aðalframkvæmdastjóri Sameinuðu þjóðanna varar við niðurskurði á framlögum til þróunaraðstoðar til að fjármagna móttöku flóttamanna og segir að slíkt geti beinlínis aukið vandann og leitt til keðjuverkunar og vítahrings.

Í yfirlýsingu segir aðalframkvæmdastjórinn að alþjóðasamfélagið verði að bregðast við umfangsmestu þvinguðu fólksflutningum frá síðari heimsstyrjöldinni án þess að draga úr skuldbindingum sínum til að standa straum af afar brýnni opinberri þróunaraðstoð.

Ban Ki-moon segir nauðsynlegt að fjármagna hvort tveggja í senn umönnun flóttamanna og hælisleitenda og þróunarstarf til lengri tíma. „Það ber ekki að skera niður í öðrum þessara málaflokka til að fjármagna hinn,“ segir Ban. „Að taka fé af þróunaraðstoð á þessari ögurstundu, myndi grafa undan viðleitni til að leysa mikinn vanda. Að draga úr þróunaraðstoð til að fjármagna viðbrögð við flóttamannavandanum gæti reynst olía á eld og orðið til að skapa vítahring með því að grafa undan heilsugæslu,- menntun, - og tækifærum í öllum heimshornum.“

Aðalframkvæmdastjóri Sameinuðu þjóðanna minnir á hin nýsamþykktu Heimsmarkmið um Sjálfbæra þróun og segir að nú ættu ríkisstjórnir að auka en ekki minnka alþjóðlega þróunaraðstoð. „Þegar við hjálpum þurfandi fólki á ekki eitt að vera á kostnað annars.“

Lesa frétt á UN-News.
Lesa frétt á UNRIC.

 

 

Heimsmarkmið SÞ

 

E SDG Icons-18

Samstarfsaðilar

 

unriclogo

 

unwomenlogo

 

icemunlogo
 utanrikislogo

Finndu okkur á facebook