Allsherjarþingið og öryggisráðið samþykktu stofnun friðaruppbyggingarnefndar (e. Peacebuilding Commission) 20. desember 2005.
Þessi samþykkt kom í kjölfar leiðtogafundarins í september sama ár, þar sem leiðtogarnir ákváðu að nefndin skyldi hefja störf fyrir árslok 2005. Nefndin starfar því hvort tveggja undir allsherjarþinginu og öryggisráðinu.
Meginmarkmiðið með stofnun nefndarinnar er að koma á heildstæðara alþjóðlegu starfi til að tryggja varanlegan frið í stríðshrjáðum ríkjum. Nefndin tekur við þegar friðargæslusveitir hafa lokið hlutverki sínu. Nefndin leiðir saman viðeigandi aðila til að fjármagna og veita ráðgjöf um, og leggja til, samþættar friðaruppbyggingar aðgerðaráætlanir. Nefnding beinir athygli sinni að enduruppbyggingu samfélaga og stofnana eftir átök og styðja þróun samþættra áætlana sem leggja grunn að sjálfbærri þróun.