Aðalfundur Félags Sameinuðu þjóðanna er iðulega haldinn fyrir 1.júní á ári hverju þar sem farið er yfir rekstrarreikninga félagsins og starfsemi félagsins. Stjórn félagsins er kosin úr hinum ýmsu áttum samfélagsins. Síðasti aðalfundur félagsins var haldinn 31. maí 2023, þar sem eftirfarandi stjórn var kosin í tvö ár.
Stjórn Félags Sameinuðu þjóðanna á Íslandi, starfsárin 2023 – 2025:
- Eva Harðardóttir, formaður. Uppeldis- og menntunarfræðingur og doktorsnemi í Háskóla Íslands með rannsóknarefni ungs flóttafólks og alþjóðlegrar borgaravitundar. Netfang: eva@un.is
- Þórður Kristinsson, varaformaður. Doktorsnemi og kennari við UNESCO-skólann Kvennaskólann í Reykjavík og Jafnréttisskóla GRÓ.
- Páll Ásgeir Davíðsson, verkefnastjóri í málefnum réttarríkis og mannréttinda hjá Þróunaráætlun SÞ (UNDP).
- Susan Christianen, stofnandi Extreme Design Lab og meðstofnandi Auðna – TTO Iceland.
- Þorvarður Atli Þórsson, fulltrúi utanríkisráðuneytisins.
- Unnur Lárusdóttir, meistaranemi í alþjóðasamskiptum og ungmennafulltrúi Íslands hjá SÞ á sviði mannréttinda.
- Védís Sigrúnar Ólafsdóttir, verkefnastjóri Jafnréttisskóla GRÓ.
- Viktoría Valdimarsdóttir, stofnandi og framkvæmdastjóri stjórnar hjá Ábyrgum lausnum ehf.
Starfsfólk
Vala Karen Viðarsdóttir – Framkvæmdastjóri
Vala Karen Viðarsdóttir er framkvæmdastjóri Félags Sameinuðu þjóðanna. Hún hóf störf hjá Félaginu haustið 2021.
Vala er menntaður mannfræðingur frá Háskóla Íslands og hefur nokkurra ára reynslu af alþjóðastarfi og mannúðarmálum. Hún vann hjá UNICEF á Íslandi 2016-2018 sem sérfræðingur í fjáröflun en hún starfaði einnig fyrir samtökin í Slóvakíu árið 2019. Auk þess situr Vala í framkvæmdanefnd samtakanna WOMEN POWER sem eru félagasamtök sem vinna á heildstæðan hátt að valdeflingu kvenna.
Netfang Völu: vala@un.is
Kristrún María Heiðberg – Verkefnastjóri UNESCO-skóla
Kristrún María er verkefnastjóri UNESCO skóla. Hún hóf störf hjá Félaginu haustið 2020. Hún er með M.Ed gráðu í náms-og kennslufræðum frá Háskóla Íslands. Lokaritgerð Kristrúnar fjallaði um mannréttindakennslu í grunnskólum.
Kristrún er með B.A. gráðu í blaðamennsku og stjórnmálafræði frá Metropolitan State University of Denver. Hún sat um tíma í stjórn Íslandsdeildar Amnesty International og ritstýrði fréttablaði þess í um áratug. Kristrún hefur starfað við kennslu í grunnskólum frá árinu 2010, auk þess að semja námsefni fyrir grunn- og framhaldsskóla. Hún hefur kennt sérstaka áfanga um mannréttindi, lýðræði, jafnrétti, gagnrýna hugsun o.fl.
Netfang Kristrúnar: kristrun@un.is
Hera Melgar – Kynningarstjóri
Hera gegnir tímabundinni stöðu kynningarstjóra. Hún hóf störf hjá Félaginu í janúar 2023 en var áður starfsnemi frá janúar-júní 2022. Hún er með M.A. gráðu í alþjóðasamskiptum frá Háskóla Íslands.
Netfang Heru: hera@un.is