UNESCO-skólar eru alþjóðlegt samstarfsnet skóla sem er starfrækt á vegum UNESCO (United Nations Educational, Scientific and Cultural Organization) Menningarmálastofnun Sameinuðu þjóðanna. Meginmarkmið UNESCO er að stuðla að friði og öryggi í heiminum með því að efla alþjóðlega samvinnu á sviði menntunar, vísinda- og menningarmála.
UNESCO hefur starfrækt samstarfsnet skóla á alþjóðavísu frá árinu 1953 undir nafninu UNESCO Associated schools project network (ASPnet). Þeir eru nú um 10.000 talsins og starfa í 180 löndum. Skólarnir eru ýmist á leik-, grunn– og framhaldsskólastigi.
Að vera UNESCO-skóli felur í sér samkomulag og samvinnu milli skólans og UNESCO þar sem skólinn innleiðir verkefni tengdum þremur meginþemum UNESCO-skóla. Þemun eru:
Þvermenningarlegt nám, virðing og skilningur á menningarlegum fjölbreytileika og arfleifð
Hnattræn borgaravitund og menning friðar og ofbeldisleysis
Sjálfbær þróun og sjálfbær lífsstíll
UNESCO-verkefni auka fjölbreytni í kennsluaðferðum og þekkingu nemenda á málefnum Sameinuðu þjóðanna og heimsmarkmiðunum. Verkefnin eru þverfagleg og geta því nýst í ýmsum kennslustundum. Þau passa vel inn í grunnþætti aðalnámskráa leik-, grunn- og framhaldsskóla og hafa mikið hagnýtt gildi.
Félag Sameinuðu þjóðanna fer fyrir skólanetinu á Íslandi í samstarfi við íslensku UNESCO–nefndina. Verkefnið er styrkt af mennta- og barnamálaráðuneytinu. Í dag eru 34 íslenskir skólar þátttakendur í verkefninu.
Ný rannsókn um hnattræna borgaravitund í UNESCO-skólum á Íslandi
Námskeið fyrir kennara í UNESCO-skólum á Reykjanesi
Verður heimurinn betri? Námskeið fyrir kennara 28. september
Heimsins stærsta kennslustund
Heimsins stærsta kennslustund (e. World’s Largest Lesson) er alþjóðlegt fræðsluverkefni sem Sameinuðu þjóðirnar (UNESCO og UNICEF) og samtökin Project Everyone standa að verkefninu.