Hér finnur þú upplýsingar um umsóknarferlið, stuðning við skóla og tengilið UNESCO-skólanetsins á Íslandi.
Marta Goðadóttir er tengiliður UNESCO-skóla á Íslandi
Félag Sameinuðu þjóðanna á Íslandi aðstoðar skóla við umsóknarferlið og veitir ráðgjöf um þátttöku í UNESCO-skólanetinu.
Marta er jafnframt ASPnet-fulltrúi Íslands (e. National Coordinator). Umsóknir eru staðfestar af UNESCO og að samþykki fengnu verður skólinn formlegur hluti netsins.
Frekari upplýsingar: marta@un.is
Hvaða tækifæri felast í því að vera UNESCO-skóli?
Það felast ótal tækifæri í því að vera hluti af UNESCO-skólanetinu, og er það í höndum hvers skóla fyrir sig að útfæra sína þátttöku.
- Skólarnir hafa aðgang að fjölbreyttu alþjóðalegu tengslaneti og geta valið að starfa með vinaskólum um allan heim.
- Nemendur fá tækifæri til að taka þátt í verkefnum á vettvangi Sameinuðu þjóðanna um allan heim,
- Sendiráð Íslands í ólíkum ríkjum leitast við að vísa til skólanna spennandi verkefnum og tækifærum sem tengjast gildum UNESCO.
- Félag Sameinuðu þjóðanna býður þeim árlega til þátttöku í verkefnum tengdum Heimsins stærstu kennslustund.
- Tenging við fjölbreyttan vettvang UNESCO á Íslandi, eins og jarð- og vistvanga.
- Stuðning og kennsluefni frá Félagi Sameinuðu þjóðanna á Íslandi, þar sem leitast er við að halda skólunum upplýstum um þær áherslur og verkefni sem eru í gangi hverju sinni hjá UNESCO og Sameinuðu þjóðunum.
- Fræðsluheimsóknir af ýmsu tagi.
- Kennarar og nemendur fá tækifæri til að taka þátt í ráðstefnum og þingum á vegum UNESCO og skólaneta annarra landa.
“Fyrir Menntaskólinn á Tröllaskaga er það að vera UNESCO skóli eins og regnhlíf yfir það starf sem fram fer hjá okkur þar sem við erum með Erasmus+ vottun, erum Grænfána skóli og erum búin að ljúka öllum fimm áföngunum í verkefninu Græn Skref fyrir stofnanir í ríkisrekstri.‘‘
Ida Semey, kennari og umsjónarkona erlendra verkefna MTR
sjá fleiri umsagnir
