Vala Karen Viðarsdóttir – Framkvæmdastjóri
Vala Karen hóf störf hjá Félagi Sameinuðu þjóðanna haustið 2021. Hún er menntaður mannfræðingur frá Háskóla Íslands og með MA-gráðu í alþjóðasamskiptum frá sama skóla. Hún hefur víðtæka reynslu af alþjóðastarfi, mannúðarmálum, samstarfi við alþjóðastofnanir og miðlun alþjóðamála.
Áður starfaði Vala hjá UNICEF á Íslandi og hjá UNICEF í Slóvakíu, meðal annars á sviði fjáröflunar, gjafatengsla og kynningarmála. Hún hefur einnig sinnt félagasamtastarfi tengdu alþjóðlegri þróun og mannréttindum.
Vala er varaforseti World Federation of United Nations Associations (WFUNA), alheimssamtaka félaga Sameinuðu þjóðanna.
Netfang Völu: vala@un.is
Pétur Hjörvar Þorkelsson – Kynningar- og þátttökustjóri
Pétur Hjörvar hóf störf hjá Félagi Sameinuðu þjóðanna haustið 2024. Hann ber ábyrgð á framkvæmd, þróun og utanumhaldi ungmennaverkefna félagsins og miðlun þeirra til markhópa og almennings. Þar undir falla meðal annars Ungmennahreyfing FSÞ, Model UN og innlend umgjörð ungmennafulltrúa Íslands hjá Sameinuðu þjóðunum.
Pétur Hjörvar er menntaður mannfræðingur frá Háskóla Íslands og með M.Ed.-gráðu í menntunarfræðum og margbreytileika. Hann starfaði hjá UNICEF á Íslandi frá 2018–2024 og einnig á landsskrifstofu UNICEF í Naíróbí í Kenía, þar sem hann vann á sviði félags- og hegðunarbreytinga (e. Social and Behavioral Change) í tengslum við loftslagsmál og vatns- og hreinlætismál.
Netfang Péturs: petur@un.is
Marta Goðadóttir – Fræðslustjóri
Marta hóf störf hjá Félagi Sameinuðu þjóðanna í september 2026. Hún hefur víðtæka reynslu af fræðslu, miðlun, verkefnastjórnun og alþjóðamálum og leiðir fræðslu- og þekkingarstarf félagsins, þar á meðal UNESCO-skólanetið á Íslandi.
Marta er með BA-gráðu í íslensku og kynjafræði frá Háskóla Íslands, diplómu í kennslufræði til kennsluréttinda á meistarastigi og diplómu í alþjóðasamskiptum. Hún starfaði áður sem markaðs- og samskiptastjóri Menntavísindasviðs Háskóla Íslands og þar áður í sjö ár sem kynningarstýra hjá UN Women á Íslandi. Hún hefur einnig starfað sem blaðakona og við kennslu.
Netfang Mörtu: marta@un.is